當你放工去等車但遇上警察舉槍亂指；
當你返屋企會被防暴推跌；
當你搭西鐵會無故被有組織地圍打；
當你打999會唔通等足39分鐘都冇警察到場；
當黑社會拎住棍拎住藤條但冇人被拉、
但你只係著咗黑衫就俾人查身份證；
當社會咁動盪時，成件事嘅源頭 ─ 林鄭月娥：
仲有心情笑住喺禮賓府宴請商會代表，
一句撤回都未講，心痛國徽被塗鴉多過受傷市民，
每次只係譴責示威者，
然後鼓勵同支持班克警出嚟，
用「最克制武力」對待示威者...
.
當我聽到有人中咗胡椒噴霧乸到隻眼，
痛到全身震晒但佢竟然係向幫佢洗眼嘅人講：
「對唔住我覺得自己好廢」，
我真係好心痛，究竟香港人做錯咗啲乜？
要被當權者咁樣對待？我哋仲可以做啲乜？
點解我到今日仲聽到人話唔好阻佢哋返工？
.
以上嘅嘢講出嚟都覺得好荒謬，
而呢一種荒謬係需要大家一齊制止，
而唔係習慣，有一樣嘢大家都可以做到：
8月5號，全港大罷工。
因為香港已經病咗兩個月，而家發晒高燒，
求下大家要好好停止工作，有病係唔應該再返工㗎。
Search